Það hefur nú reyndar ekki gerst neitt gríðarlega mikið síðan síðast.
Þegar ég kom heim úr fríinu þá lagðist ég í 11 daga vinnutörn, fékk síðan 2 daga í frí og vann svo í 7 daga.
Ég er svo í seinni hluta sumarfrís núna og er búinn að vera eina viku af tveimur. Ykkur að segja er ég ekki búinn að gera neitt þessa vikuna. Það er búið að slappa af, sötra nokkra bjóra og hafa það gott!
Svo hætti ég við að koma í helgarfrí til íslands í ágúst, Katrín ætlar að koma til mín í nokkra daga í staðinn bara 
Þá er þessi ferð víst að verða búin. Bunir að vera fjandi skemmtilegir dagar.
Byrjaði reyndar frekar óspennandi þannig.
Lenti í Keflavík um 9 á miðvikudagsmorgni og tók síðan rútuna í bæinn. Var kominn til Katrínar um 11.
Við ákváðum svo að leggja okkur “aðeins” … skriðum fram úr einhverjum mörgum tímum síðar!
Fimmtudagur byrjaði ansi rólega líka (eftir að Emilía Ósk var komin á leikskólann )
Lýðurinn hafði svo samband um kvöldið og var ákveðið að hitta á kvikindið í 1 bjór eða svo… Þeir urðu aðeins fleiri!
Svo kom föstudagur. Nú skal sko farið í sumarbústað í Ölfusborgum!
Það var náttúrulega byrjað á því að hafa sig til og pakka niður í tösku (ég þurfti reyndar ekki annað en að loka minni).
Ása kom svo og sótti okkur og við brunuðum í bústað (með smá viðkomu í Krónunni, bensínstöð og Nonnabita). Gott ef við komum ekki við á selfossi, versluðum aðeins meira og fórum á KFC líka.
Og það fyrsta sem við gerðum, eftir að hafa dröslað farangri og mat inn í bústað, var að opna tölvurnar og tengjast þráðlausa netinu hérna á svæðinu (við erum ekkert miklir nördar er það?)
Þegar það var búið var sko kominn tími á að opna bjór og græja pottinn. Þetta seinna var aðeins meira vandamál.
Það var hækkað og lækkað og gert og græjað, ekkert virkaði.
Þangað til að mér datt í hug að tæma hann bara alveg og láta renna í hann aftur, þá loksins hitnaði kvikindið.
Þegar það var svo loksins búið að finna út úr því og hann orðinn fullur (potturinn sko, ekki ég) var ákveðið að skella sér ofaní.
Þar var svo legið í marineringu að innan sem utan restina af kvöldinu.
Laugardagur: Farið á Selfoss og verslað meira (voðalega er hægt að versla) og brunað í bústaðinn aftur. Opnaður bjór og pottur græjaður.
Vinkona Ásu og bróðir hennar kíktu svo í heimsókn um kvöldið og ákvað Ása af því tilefni að vera fulli gaurinn það kvöld. Ég fann t.d. glas og fleira skemmtilegt í pottinum daginn eftir.
Sunnudagur og allir hálf þunnir. Nema Ása, hún var bara þunn.
Þegar allir voru almennilega vaknaðir var brunað í Hveragerði (alveg alla leið sko) og fengið sér að éta. Fórum svo í heimsókn til mömmu hennar Katrínar.
Grilluðum svo í bústaðnum og tókum smá marineringu í pottinum, bara að utan í þetta skiptið.
Á mánudeginum var farið að versla eina ferðina enn.
Fórum svo bara í bústaðinn aftur og lágum í leti það sem eftir var dags.
Þriðjudagur var á voðalega svipðum nótum.
Ása fór heim með afkvæmið seinni partinn og lágum við Katrín bara í leti yfir sjónvarpsþáttum og bíómyndum.
Næstu dagar fóru að mestu í það sama þangað til við fórum aftur í bæinn á föstudeginum.
Þegar þetta er skrifað sit ég svo á Keflavíkurflugvelli að fá mér bjór og bíða eftir flugvélinni til Köben.
Jæja, þó það sé nærri liðinn mánuður frá því að Árni og Katrín voru hjá mér í Danmörku þá er best að segja aðeins frá ferðinn hjá þeim.
Ég skrifa þetta eftir minni, þannig að ef eitthvað er vitlaust hjá mér, endilega leiðréttið mig.
Þetta var nú reyndar frekar tíðindalítið.
Á fimmtudeginum (þegar þau komu) var svo sem ekkert gert. Drukkinn smá bjór heima bara.
Á föstudaginn var hins vegar byrjað á að fara í Fields, Katrín í H&M að finna föt á Emilíu Ósk og Árni í skóleiðangur. Svo var farið í hádegismat.
Seinna var svo haldið í bæinn að skoða aðeins og endað á djamminu. Byrjað á Blasen eins og lög gera ráð fyrir og svo haldið á hina ýmsu staði.
Árni pullaði svo Lýð á þetta og skilaði sér ekki heim það kvöldið. Heyrði í honum upp úr hádegi daginn eftir, hann hafði þá bara fengið sér hótelherbergi.
Kíktum aftur í Fields á laugardeginum í hádegismat og skoðuðum aðeins meira. Svo var haldið heim og Árni smíðaði pizzu ofan í liðið. Kíktum svo í bæinn á smá djamm.
Ég man reyndar ekki eftir því að neitt markverðara hafi gerst eða að myndir hafi verið teknar. Þið verðið þá bara að bæta því við hérna í kommentin 
Þá er þessi ferð að verða búin.
Þetta er nú búið að vera ósköp rólegt hjá okkur þannig. Fórum duglega út að borða á fimmtudaginn og tókum aðeins á því eftir það. Annars eru menn búnir að vera voða þægir og snemma í rúmið og svona. Veit ekki alveg hvað kom yfir okkur.
Þannig að það er flug heim í kvöld, ætla að vona að farangurinn minn skili sér í þetta skiptið, og svo vinna í 3 daga og svo aftur í 5 daga frí. Ég kvarta ekki sko.
EDIT: Ég gleymdi víst að setja inn myndir úr þessari ferð. Þær koma HÉR
Eftir þessa líku fínu Íslandsferð er kominn tími á að einhver komi í heimsókn til mín.
Katrín og Árni ætla að kíkja hérna í 5 daga í maí að kíkja á sumarið og hafa það gaman.
Áður en þau koma ætla ég hins vegar að taka skrepp til Stokkhólms til Gísla bróður í einhverja vitleysu eins og okkur einum er lagið.
Svo ætla ég að skreppa til Íslands í fyrri hluta sumarfrís, á eftir að ákveða nákvæmlega hvenær eða hvað ég verð lengi samt.
Kvöldið í kvöld býður hins vegar upp á bjór og meiri bjór.
Jæja, þá er komið að meiri ferðalögum.
Enn og aftur er ferðinni heitið til Íslands að hitta elskuna mína, ég er sem betur fer að fá hana hingað út í maí
Þetta verður meira hugsað sem afslöppunarferð, síðasta ferð var það alls ekki. Eins og flestir kannski muna þá var djammað út í eitt.
Við ætlum að eyða helginni úti á landi og koma svo í bæinn á sunnudaginn. Svo er víst planaður dinner með Gísla bróður það kvöld.
Svo eigum við mánudaginn saman og svo fer ég aftur hingað til DK á þriðjudeginum 
En svo við víkjum aftur að maí.
Árni og Katrín eru að koma 13. maí og verða fram að 18. Það ættu að verða nærri því jafn erfiðir dagar og ég upplifði með Lýðnum hérna um árið.
Ég var reyndar svo séður að taka mér frí þá daga sem þau eru hérna þannig að þetta ætti ekki að gera mig óvinnuhæfan eins og Lýðnum tókst næstum.
Ég hlakka svo bara til að sjá ykkur, þessi fáu sem ég sé.
Svo vonum við bara að það komi önnur færsla áður en ég fer frá Íslandi, DADDARA!!!
Ef að þið elskið brjálæðislega góða hamborgara eins og ég þá er ég með síðu sem ykkur langar að skoða.
Ég rakst á þessa síðu fyrir þó nokkru siðan en gleymdi henni síðan á nýju heimsmeti.
Þetta er síðan fyrir þá sem virkilega elska góðan burger…
Núna finnst mér alveg komið nóg af þessum andsk….s vetri hérna í Danmörku.
Það er búið að vera frost hérna síðan um miðjan desember í fyrra og nærri því snjór á götum á hverjum degi.
Það er ekki hægt að reiða sig á tímatöflur almenningssamgangna, þar sem þær eru allar úr skorðum vegna snjókomu og ísingar. Það væri réttast að halda þessa fjárans vetrarólympíuleika hérna í Danmörku heldur en Kanada (svona ef maður sér aðeins framhjá þessu litla smáatriði með að það eru engin fjöll að renna sér niður), það þarf þó alla vegana ekki að framleiða snjóinn.
Því legg ég til að hinir íslensku veðurguðir tali nú aðeins við þessa dönsku og fái þetta á hreint.
Vetur og snjókoma og álíka leiðindi eiga heima á Íslandi, ekki í Danmörku.
Ég krefst þess að tafarlaust verði komið á fyrra jafnvægi í veðri og að við getum hringt og gortað okkur af hversu gott veðrið hérna í Kaupmannahöfn sé, ekki að það sé hringt í okkur og gortað frá Íslandi.
Eins krefst ég þess að 11-15 mars næstkomandi verði bongóblíða í Reykjavík, annars verð ég alveg brjál…
Þá er tískuvikan yfirstaðin í eitt skiptið enn.
Þessar hugmyndir sem ég var með að liðið yrði nú aðeins stilltara en maður er vanur klikkuðu alveg.
Brjálað fyllerí upp um alla veggi og allir að gera mig brjálaðan. Bað einn t.d. um að halda kjafti eftir að hann hafði flautað á mig 5 sinnum. (Sagði honum reyndar ekki að halda kjafti fyrr en ég hafði hellt mér aðeins meira yfir hann)
En þetta gekk nú allt saman eins og vanalega og þó þetta sé alveg hundleiðinlegt þá er þetta nú ágætur peningur í kassann á þessum síðustu og verstu tímum.
Nú nálgast “uppáhaldið” mitt, tískuvikan í Kaupmannahöfn.
Það þýðir að það verður brjálað að gera hjá mér í vinnunni og fullt af blindfullu tískuliði sem heldur að það eigi heiminn.
Í öll þau skipti sem þessi tískuvika hefur verið haldin, eftir að ég byrjaði á hótelinu, hef ég þurft að henda út fólki sem hefur verið komið á bakvið barinn eftir lokun og reynt að afgreiða sig sjálft. Til dæmis hef ég þurft að henda sama gæjanum út fjórum sinnum. Ef ég þarf að gera það í þetta skiptið líka fær hann að sofa úti.
Reyndar er ekki búist við eins mörgum gestum og undanfarin skipti, þar sem að tískuheimurinn er víst líka í kreppu eins og aðrir. Vonum að það þýði líka að þau verði ekki eins heilalaus af drykkju eins og svo oft áður.
Svo er líka nóg að gera í JAM Digital
Erum að klára að endurhanna síðuna fyrir Avenue Hotel og Cafe Blasen , ásamt því að ég er sjálfur að koma 2 síðum í loftið fyrir utan þessa. Læt ykkur vita hvernig það fer allt saman.
H