Enn einn mánður að verða búinn
Þá er enn einn mánuður að verða búinn og ég er ekki að ná því að ég sé búinn að vera hérna í næstum tvö og hálft ár.
Ég flutti líka á hárréttum tíma. Íslenska krónan stóð nokkuð vel gegn dönsku krónunni og ég fékk tiltölulega mikið fyrir peningana. Það voru engir á móti íslendingum, ekki að menn séu það núna, og allir höfðu það nokkuð gott.
Í dag er þetta aðeins öðruvísi.
Íslenska krónan stendur ekki vel gegn neinum gjaldmiðli, er verðlaus pappír ef svo má segja.
Það var sterkur orðrómur um að danir væru á móti íslendingum og vildu helst ekki ráða þá í vinnu. Það er helber lygi, danir hafa aldrei sýnt mér annað en skilning og jafnvel vorkunn eftir að allt fór til fjandans á skerinu.
Það góða við þetta hrun á íslandi er að ég heimsæki landið mun oftar en ég hefði sennilega gert.
Flugin eru að vísu orðin frekar dýr en maður lifir eins og kóngur á dönskum krónum á Íslandi.
Þegar ég kem næst, þann 5. nóvember, er það fjórða skiptið á þessu ári sem ég kem í heimsókn.
Amma gamla er að verða níræð og mér fannst líka kominn tími til að heilsa upp á kunningjana. Ég veit þið saknið mín 
Ég verð hins vegar að lýsa yfir furðun og pirringi á verðlagi á flugförum til ísland í kring um jól.
Ég var að láta mér detta það í hug að kíkja á fjölskylduna á Íslandi þessi jólin en flugfélögunum tókst aldeilis að stöðva það mjög snöggt.
Ef að ég vil fara frá Kaupmannahöfn þ. 22. des (þegar ég kemst í jólafrí) og fara aftur til Danmerkur að morgni 2. janúar kostar það mig um 75.000 íslenskar krónur.
Fargjaldið sem ég keypti fyrir þessa heimsókn mína í nóvember kostaði um 50 þúsund krónur.
Hvað er það sem réttlætir þessa rosalegu hækkun á fargjaldinu ?
Það eru um 15.000 íslendingar búsettir í Danmörku og margir þeirra huga á ferð til Íslands í kring um jól.
Ef að flugfélögin myndu t.d. bæta við 2-3 ferðum og sleppa því að hækka fargjöldin í kring um jól myndu þau fá fleiri farþega og raka inn fleiri penginum…
Ég held stundum að fólk sem fær að stjórna fyrirtækjum hafi bara ekki farið í gegn um menntaskóla.
En því miður virkar þetta hjá þeim þar sem fólk vill fara heim um jólin að hitta fjölskylduna. Ég er hins vegar svo “heppinn” að eiga fjölskyldu í 3 löndum að ég valdi að eyða jólunum með bróður mínum í Stokkhólmi í þetta skiptið.
Endilega kommentið hér að neðan ef þið hafið eitthvað um þetta að segja..þ.
Góðar stundir